КВІЗ-ПЛІЗ

 

3 лістапада 2022 года ў філіяле БНТУ «Мінскі дзяржаўны архітэктурна-будаўнічы каледж» адбылася інтэлектуальна-забаўляльная гульня КВІЗ-ПЛІЗ. Яна садзейнічала ўцягненню навучэнцаў у працэс зносін і пазнання. Самая галоўная задача заключалася ў тым, каб не толькі даць веды, а зразумець, наколькі навучэнцы ўмеюць распараджацца гэтымі ведамі і навучыць іх самастойна атрымліваць розныя веды адпаведна сваім інтэлектуальным дадзеным.
Актуальнасць гэтай гульні заключалася ў арганізацыі вольнага часу навучэнцаў, якія з вялікім жаданнем прымалі ўдзел у гульні, вучыліся быць самастойнымі, здолелі ацаніць свае магчымасці і імкнуліся да пазнання саміх сябе.
Навучэнцы прадэманстравалі свае веды і атрымалі дадатковую матывацыю для далейшага вывучэння гісторыі каледжа. Добра правялі час з сябрамі і адпачылі.