Дзень ведаў

У Дзень ведаў намеснік Міністра архітэктуры і будаўніцтва Аляксандр Шваюноў наведаў Мінскі дзяржаўны каледж архітэктуры і будаўніцтва.

Аляксандр Алегавіч павіншаваў навучэнцаў і выкладчыкаў з пачаткам навучальнага года і пажадаў ім цікавага і дзейснага навучальнага працэсу, атрымання новых ведаў і прафесійных навыкаў.

- Сёння вы робіце свядомы крок у сваю будучыню, - падкрэсліў намеснік Міністра.

Дарэчы, сёлета за парты каледжа сядуць амаль 1500 навучэнцаў дзённай і завочнай форм навучання. Яны будуць атрымліваць веды па сямі спецыяльнасцях. Самыя папулярныя - "будаўніцтва будынкаў і збудаванняў" і "архітэктурнае праектаванне".

На ўрачыстай лінейцы 1 верасня, прысвечанай Дню ведаў, сярод ганаровых гасцей прысутнічаў намеснік дырэктара Беларускага дзяржаўнага архіва навукова-тэхнічнай дакументацыі Рыгор Сцяпанавіч Жалнеркевіч.

Рыгор Сцяпанавіч павіншаваў навучэнцаў і выкладчыкаў з пачаткам навучальнага года і перадаў у фонд бібліятэкі ўнікальнае выданне – кнігу “Адкрываючы новы свет… Іван Фёдараў і Францыск Скарына”. Гэта частка маштабнага выдавецкага праекта "Бібліятэка Саюзнай дзяржавы", які расказвае аб нацыянальных асветніках і значных гістарычных падзеях, а таксама садзейнічае захаванню і папулярызацыі гісторыка-культурнай спадчыны Беларусі для будучых пакаленняў.

Дзень ведаў 2025: старт новага навучальнага года ў Мінскім дзяржаўным каледжы архітэктуры і будаўніцтвы! Тут нараджаюцца будучыя прафесіяналы будаўнічай індустрыі".